Cem Yılmaz Stand-upı dadında biznes panelindən öyrəndiklərim...

Bu yaxınlarda Özyeğin Universitetində keçirilən “Uğursuzluq Zirvəsi” adlı bir panelin videosuna baxırdım. Qonaqlar “Finans” Bankın yaradıcısı və Türkiyənin o zamankı ən varlı şəxsi Hüsnü Özyeğin, Sabancı Ailəsinin 3cü nəsil üzvü, Sabancı Holdinqdən ayrılıb Pegasus Hava yollarını alan və idarəçisi olan Ali Sabancı, Türkiyənin ən böyük internet portalı Mynetin yaradıcısı Emre Kurttepeli, Hatay Yatırım Holdingin CEOsu Emin Hatay və Euro RSCG Reklam agentliyinin CEOsu Levent Erden idi. Yəni paneldəki 5 qonağın hamısı Türkiyədə kifayət qədər uğur qazanmış şəxslər idi. 

HP CEOsu Meg Whitmandan uğurlu keryera üçün 9 vacib nüans + BONUS

2-3 gün qabaq Philip Delves Broughtonun “Harvard Biznes Məktəbində sizə nə öyrədirlər?” (What they teach you at Harvar Business School) adlı kitabını oxuyub bitirdim. Müəllif 2004/06 ci illərdə Harvard Biznes Məktəbində (HBM) MBA təhsili alıb və yazdığı kitab bir növ avtobioqrafik kitab sayılır. Müəllif kitabda 2 il ərzində HBMdə başına gələn olaylar, professorlar, dərslər, dərslərdə yerinə yetirdikləri keyslər, böyük şirkətlərin ofisinə, Silikon Vadisinə səfərlərindən və Amerikanın öndəgedən iş adamlarının HBKnı ziyarət edib, mühazirə deməklərindən geniş bəhs edir.

Dərslərin birində Meg Whitmanın 2001ci ildə internet şirkətlərinin çöküşündən bir az sonra HBMdə etdiyi çıxışın videosunu izləyiblər. Videoda Meg Whitman uğurlu karyera qurmaq üçün əməl edilməsi olan 9 maddəlik şəxsi fəlsəfəsini tələblərlə bölüşürmüş. Açığı Megin özünün uğurlu karyerası və verdiyi məsləhətlər diqqətimi çox çəkdiyindən istədim onu bu bloq posta paylaşım.

Ogilvyni qəbrində "çevirənlər" haqqında

Son günlər sosyal mediada xüsusən də Facebookdakı Marketinq Azərbaycan qrupunda hər hansı bir normal və ya bayağı reklamı, kampaniya və ya PR aksiya müzakirəyə çıxarılan kimi, TƏƏSSÜF ki, “burda müzakirə olunursa deməli hədəflərinə çatıblar”, “anti-reklam özü də bir reklamdı” və ya “qara PR özü də elə bir PRdır” fikirləri ən çox rast gəlinənlər arasında olur. Əslində son deyimdə həqiqət payı var, bildiyimiz kimi PRın 3 növü var, qara, ağ və boz, doğrudan da Qara PR elə PRın bir növüdür amma di gəl ki, bu ifadə heç də işlədildiyi mənada şirkətlərə xeyir gətirən PR deyil.

Bəs gəlin görək əslində necədir. Reklamın tərifi, tarixi, yaranması haqqında uzun-uzadı yazmadan fikirlərimi ilk öncə real keyslər və bənzətmələrlə daha sonra isə türklər demiş “isveçli bilim adamlarının” fikirləri ilə olmasa da Ogilvy, Trout kimi marketinq dühalarının kitablarından və deyimlərindən alıntılarla bölüşəcəm.

“Starbucks” görmək istəyən Azərbaycana gəlməsin

Dünən “MarketinqAzərbaycan” qrupunda və sosyal mediyada “Starbucks”ın Azərbaycan bazarına girməsiylə bağlı xəbərlər yayıldı və artıq üzərindən qısa müddət keçməsinə baxmayaraq bir neçə marketer mövzu haqqında bloq da yazıb paylaşdı. Bu postda “Starbucks”ın Azərbaycanda niyə öz “təyinatına” uyğun istifadə olunmayacağı haqqında fikirlərimi bölüşəcəm.

Söhbəti uzatmadan keçək mövzuya. Şirkətin tarixi, uğurları, targeti, statistik göstəriciləri və digər maraqlı faktları haqqında Ramil Cabbarov bu gün öz bloqunda paylaşıb.

Bəlkə siz elə doğrudan düz eləmirsiniz?!

İsti yay günlərində Rafiq Hunaltayın “Bəlkə biz düz eləmirik” adlı bloq yazısı marketinq camiəsində soyuq duş effekti yaratdı. Müəllif bloqunda Azərbaycan marketinqi üçün etdiklərini sorğulayıb, bəlkə nələrisə düz etmədiyini soruşurdu. Bloqpostun sonunda bu mövzu haqqında fikirləşmək üçün estafeti bir neçə tanınmış marketerə göndərmişdi. Onlar da öz növbələrində bu məsələyə, satirik, ironik və ya ciddi baxış bucağından öz fikirlərini bloqlarında bildirmişdilər. Bu mövzuda ən son bloq yazanlardan Namiq Bay da öz postunda pası mənə ötürdü. Açığı Namiq Bayın meyxana stilində olan postuna cavab vermək üçün istədim meyxanaçılardan  kömək istəyim J

Azərbaycan marketinqi üçün hələ ki, ciddi bir işlər görmədiyim üçün fikirləşdim mən də bu camiənin yeni üzvü kimi, marketerlərimizin marketinq üçün etdiklərinə öz fikirlərimi bildirim. Bəlkə onlar özləri dediyi kimi doğurdan da düz eləmirlər?!

Marketinq AIR təlimlərinin sizə verəcəyi 3 fayda

Ilkin müəllimin Marketing AİR haqqında son bloqpostunu oxuduqdan sonra Marketing AİR 1 təlimlərinə necə müraciət etdiyim və təlim prosesini xatırladım. O vaxt təlimlərin anonsu veriləndə hərbi xidmətdə idim və tanışlardan belə bir təlimin keçiriləcəyini eşitmişdim və onlardna xahiş etdim ki, əvəzimdən təlimlərdə qeydiyyatdan keçsinlər və oktyabr ayının 2si hərbi xidmətdən qayıdıb, ayın 5-6ı təlimlərə qatıldım. Bu qədər nostaljidən sonra  qərara gəldim ki, mən də, məktəbini keçdiyim bu təlimlər haqqında bəzi yararlı (ümid edirəm) məlumatları sizinlə paylaşım. Beləliklə, Marketing AİR təlimlər mənimçün getdiyim marketinq çığırında (karyera desəm böyük səslənər) dönüş nöqtəsi oldu. Beləliklə, bu bloqpostda Marketing AİR təlimlərinin sizə verəcəyi üstünlüklərdən yazacam, qısa desək niyə Siz bu təlimlərdə iştirak etməlisiniz:

Ən "Royal" müştəri "Loyal" müştəridir!

Bu gün aprel ayının 1i, beynəlxalq gülüş günüdür, müxtəlif ölkələrdə müxtəlif adlarla qeyd olunur “gülüş günü”, “axmaqlar günü” və s. bu günün əsas özəlliyi müxtəlif, ciddi fəsadlar törətməyən zarafatlar və “kiçik” aldatmalar etməklə insanlara təbəssüm bəxş etməkdir. Bunları yazmaqda məqsədim heç də yazını bu günə həsr etmək və ya bu günün tarixindən yazmaq deyil. Bu günkü blogpostumun mövzusu şirkətlərin müştərilərini aldatması daha doğrusu, baş vermiş hər hansısa problemli hadisə, istehsalat səhvi və ya fors major vəziyyətləri müştəri və partnyorlarından gizlətməsi haqqındadır.

Biznesdə "Copy-paste" İdeyalar Y(Z)ararlıdır ?!

Son günlər, daha doğrusu son illər ölkə mediasının gündəmində duran əsas mövzulardan biri “copy-paste”, “plagiat”, “oğurluq” bir sözlə görüb-götürülmüş ideyaların tətbiqinin həyatda və ya müxtəlif iş sferalarında, istər incəsənətdə, istər təhsildə, istərsə də biznesdə nə qədər uğurlu olması və ya nə qədər etik olması məsələsidir.

http://babekmusazadeh.blogspot.hu/2015/09/cem-ylmaz-stand-up-dadnda-biznes.htmlÜmumiyyətlə yaşadığımız məkanda “görüb-götürülmüş” ideyalara bir növ barmaqarası baxırlar. Əgər kimsə deyirsə ki, mən hər hansısa bir layihəni, hansısa ölkədə həyata keçirilmiş və uğurlu olmuş layihədən ilhamlanaraq həyata keçirmişəm, bizim “ağlıgöyçəklər” həmin adama qeyri-ciddi adam, ortaya qoyduğu işə isə qeyri-ciddi iş donu geyindirirlər. Bir çox hallarda isə həmin insanları ideasızlıqda, plaqiarizmdə hətta daha da irəli gedib “oğurluqda” günahlandırırlar. Düzdü bu adətən incəsənət sahələrində olurdu, amma son zamanlar şirkətlərin xarici təcrübəni ölkəmizdə tətbiq etməyə başlaması onların rəqiblərini qıcıqlandırmağa başlayıb və rəqiblər şirkətləri “copy-paste” şirkət olmaqda suçlayırlar (yeniliklər adətən gec qəbul olunur). Amma məsələnin yegane sevindirici tərəfi odur ki, artıq bu tip düşünən insanların sayı nisbətən azalmaqdadır və həyata keçirdiyin iş uğurludursa, bu “ağlıgöyçəklər” daha çox susmağa üstünlük verirlər. Bəs dünyada uğurlu biznes qurulan ölkələrdə vəziyyət necədir?!

İlkin Manafovun qonaq yazısı :)

Əziz oxucu, bu bloq yazımda mən MarketinqAIR təliminin məzunu Babək bəyin dəyərli bloqundan istifadə edirəm.

Mən Sizinlə bu yazıda uğurlu marketoloq olmaq üçün ən vacib şərtlərdən biri olan peşəyə qarşı sevgidən danışacam. Beləliklə başlayaq?!

Məndən soruşan olsa ki, dünyada ən sevdiyiniz peşə nədir?! Mən heç düşünmədən marketoloq deyərdim. Həqiqətəndə bu peşə insanda ətrafdakıları daha düzgün başa düşməyə təmin edir, həqiqətəndə bu peşə insanda sərhədsiz düşüncə və ən əsası ətrafdakı proseslərə, insanlara qarşı sevgi aşılayır. Marketinq bizə yalnız insanları sevməyi öyrətmir, həmçinin izah edir ki, sevgigiz marketinq olmaz. Bilirsiz niyə?!

Samsungun rəqibi "Galaxy S3", Applenin rəqibi iPhone 5"

Mobil rabitə, xüsusən smartfon (ağıllı telefon) bazarındakı kosmik, başdöndürücü dəyişim son zamanlar lap aydın sezilməkdədi. X şirkəti çıxardığı N2 məhsulunu tam bazar çıxarıb satışlarını artırmamış N3 məhsulunun istehsal olunacağı haqqında məlumatları ötürür mediaya. Biz də bir alıcı olaraq bilmirik, hansını alaq? Hal-hazırda satışda olanı alaq ya artıq planları hazırlanıb yaxın aylarda satışa çıxacaq olanı?! Potensial yeni məhsulu da gözləməyə çox adam səbr eləmir ya da o çıxandan sonra ondan sonrakının xəbəri yayılacağından qorxu elə hazırda satışda olanla qane olur. Bəs əslində modellərin bu qədər tez bir zamanda yenilənməsində məqsəd nədir?  Şirkətlər və onların marketinq departamentləri hansı məqsədlər güdürlər bu gedişlərdə?!